KRALENDIJK – Fundashon Wega di Number Bonaire ta partisipá ku kantornan di benta di number ta habri bèk awe 30 di Sèptèmber 2020. Orario pa habri ta manera kustumbrá entre 7’or di mainta pa 3’or di atardi. Orario pa sera ta 7or di anochi.

Sorteo Wega di Number Bonaire ta tuma lugá 8:15 di anochi.

Fundashon Wega di Number Bonaire ta pidi tur kliente na momentu di kumpra number na e kantornan di bende number i na momentu di kobra premio na ofisina di Fundashon Wega di Number, korda bini ku tapa boka bisti.

Pa salu i protekshon di tur kliente i trahadónan, e kantornan ta keda mantené estriktamente instrukshonnan di higiena i protekshon manera:

  • No ta pèrmití mas ku un persona den e kantor di bende number
  • Mester mantené 1.5 meter di distansia  ora ta para pafó pa warda turno.
  • Na momentu ku drenta e ofisina mester sanitize man.
  • Mester bisti tapa boka.

Fundashon Wega di Number Bonaire ta pidi tur kliente pa mantené boso mes na e reglanan di higiena i distansiamentu sosial pa protehá bo mes, bo famia , trahadónan kantornan di bende number I henter komunidat di Bonaire.

Share This
error: Content is protected !!