KRALENDIJK – Radio Live 99.9 FM tabata tin selebrashon huntu ku 2 kolega di radio. Un di nan tabata pa motibu di su fecha natal, i e otro tabata su último dia di trabou. Evion Roch ‘Dj Roch’ a kumpli un aña mas di bida.
Jeancarlo Ramirez konosí pa ‘Dj Veloce’, a topa ku koleganan djabièrnè último, komo ku tabata su último dia di trabou. El a kuminsá traha na e radio Yüni 2016 i awor a terminá su ‘Staatsexamen Havo’, i e ta kontinuá pa Hulanda, i sigui ku HBO Communicatie en Multimedia Design na Haagse Hogeschool, Den Haag. Por komprondé di su koleganan, ku Dj Veloce tin un abilidat i konosementu amplio pa entre otro diseñá poster. E parti di músika tambe e ta dominá hopi bon. E por traha su propio ritmo i mas. Awor e ta kontinuá su estudio na Hulanda, kaminda tin hopi mas oportunidat pa desaroyá loke e tin un abilidat enorme pe. Milena Silberie i Juancarlo Ramirez ta mayornan di ‘DJ Veloce’. Milena mama di ‘DJ Veloce’, ta yu di e konosido Buchi Po Silberie (QEPD). Koleganan di Radio Live99.9 FM, ta deseá Dj Veloce tur klase di éksito ku su studio i spera di mir’é den futuro na Boneiru pa kontribuí na desaroyo di su isla natal.

Riba potrèt ‘Dj Veloce’, ‘Dj Roch’ para un kada banda di Fittipaldi Pietersz, i otro potrèt di e grupo di esnan presente.  

Share This
error: Content is protected !!