KRALENDIJK – Sentro pa Hubentut i Famia ta e Sentro ku durante henter aña ta mantené kontakto ku famia den diferente forma, pa kuido, sosten, guia i aktividatnan edukativo.

5 òktober pa 9 òktober 2020 ta e siman di edukashon, ku e tema: Lanta Riba i Bria.

Siman di Edukashon ta reflehá kiko ta bai bon den Famia i kiko mas kada famia por hasi pa sigui mehorá.

Ta para ketu riba loke instansianan ta hasiendo huntu ku famia pa sigui fortalesé e laso familiar.

Lanta Riba i Bria ta un tópiko pa sigur para ketu riba dje i pa nos ban fortalesé nos mes i nos famia, spesialmente den e momentunan difísil di Covid-19 aki.

Sentro pa Hubentut i Famia ta presentá durante e Siman di Edukashon: dos charla via Zoom meeting.

1e Zoom meeting ta dirigí speshal na hende muhé:

Orador: Señora Nathaly Evertsz.

Tópiko di e charla: Muhé, deskubrí bo Forsa.

Fecha: 8 òktober 2020

Orario: 19:00 pa 20:30 ( shet’or pa mitar di nuebe)

2do Zoom meeting ta dirigí speshal na hende hòmber:

Orador: Señor Senders Giterson.

Tópiko di e charla: Ban pe kambio.

Fecha: 9 òktober 2020

Orario: 19:00 pa 20:30 (shet’or pa mitar di nuebe)

Datos pa drenta tur dos biaha na e Zoom meeting nan ta:

code: 4570482093

Password: q7Dx7H

Pues download Zoom meeting i log in pa bo sigui e informashon balioso aki unda ku bo ta.

Nos ta felisitá tur famia pa e siman di Famia i ta deseá famianan forsa pa e temporada difísil aki i ta sigui positivo.

Si bo ta deseá mas informashon, tuma kontakto libremente na telefòn: 717-7300 i pidi pa departamento di sosten den edukashon.

Share This
error: Content is protected !!