KRALENDIJK – Suidadano Jonathan Pourier ta proponé pa gobièrnu bini ku un asina yamá “Makutu Corona”. E makutu aki di akuerdo ku sr. Pourier mester enserá produktonan alimentisio di gran balor i kalidat pa oumentá e resistensia imunológiko di e hende. Kisas ta bon pa gobièrnu sinta huntu ku asosashon di supermerkadonan i un dietista i laga nan konstruí un “Makutu Corona” ku preisnan rasonabel i alkansabel pa tur hende nan pòtmòni. Asina nos por mira ku si habri posibilidat pa komunidat partisipá, lo sali ideanan kreativo ku ta yuda karga e lucha kontra e enemigu komun ku nos tur tin, kual ta COVID 19. Si realmente nos kier derotá e enemigu falsu, traishonero i invisibel aki nos lo mester konfront’é ku un ehérsito ku yama komunidat di Boneiru. Su derota i nos viktoria lo ta sigurá.

Share This
error: Content is protected !!