KRALENDIJK – San Luis Beltran a nase na Spaña riba 9 di òktober 1526.

Na 1547 el a keda ordená komo pastor. Na 1562 Luis Beltran a haña e tarea pa bai prediká na Nueva Granada, e aktual Colombia. Luis Beltran a traha tambe rònt Karibe.

El a lucha i sali na defensa di e indjannan. Nan tabata yam’é Tata Miserikòrdioso. Luis Beltran tabata duna lès i forma religiosonan. El a krea e skol di Spiritualidat. El a muri na Spaña na 1581 i na 1671 a kanonisé komo santu.

Pa selebrá e fiesta di San Luis Beltran, patrono di parokia di Rincon, lo bai tin un triduo ku adorashon.

Djaweps 8 di òktober 6:30 atardi ku e tópiko “entrega generoso na Dios”.

Djabierne 9 di òktober pa 6:30 atardi ku e tópiko “un bida di orashon”.

Djasabra 10 di òktober 6:30 atardi ku e tópiko “un bida mishonero”.

Djadumingu 11 di òktober tin 3 Santa Eukaristia Solèm 7’or i 10’or mainta, 6’or atardi.

Durante Santa Eukaristia Solèm di 10’or, 6 mucha lo risibí nan Prome Santa Komunion.

Despues di kada misa lo tin un bríndis. Henter dia lo tin un marshe di pruga den kurá di misa. Pastor Ivan ta rekordá tur hende pa tene nan mes na e reglanan stipulá pa gobiernu. Tene distansia sosial, bisti tapa boka i laba man ku habon òf usa hèntsènitaiser. No ta atmití mas ku 50 hende na misa.

Share This
error: Content is protected !!