KRALENDIJK – Dr. Marian Luinstra-Passchier di e Departamentu di Salubridat Públiko i Gezaghèber Edison Rijna a kontestá pregunta ku miembronan di prensa a hasi resientemente tokante gymnan ku ainda ta será i si tin motibu pa nan keda será.  

Dr Luinstra-Passchier: “E konseho pa no habri gym no ta basá riba sifra di esnan infektá. E ta basa riba otro análisis ku tin, kon hende ta komportá nan mes den un gym. Hopi hende tin kontakto ku otro, hopi moveshon i esei ta e motibu ku ta preferá pa tene gym nan será pa awor.

Gezaghèber Rijna: “Resientemente den un rueda di prensa a menshoná ku Salubridat Públiko ta habri pa papia ku doñonann di gym, pa wak si tin posibilidat pa tòg por habri e lugá di praktiká entre otro hisamentu di peso.  

Por aserka Salubridat Públiko i por deliberá pa habri gym dependé situashon di e lugá. Ta bon pa presentá un plan i un idea kon ta bai laga e gym funshoná den e periodo aktual. “Meskos ta konta pa Kasino. No ta asina ku nos ke pa e gymnan keda será. Pero nos ke mira un plan kon por funshoná teniendo kuenta ku e medidanan di emergensia i higiena aktual, por traha huntu i yega na un solushon”, gezaghèber Edison Rijna a bisa.           

Share This
error: Content is protected !!