KRALENDIJK – Djadumingu alrededor di 8:45 di anochi, notifikashon a drenta riba e number 911 na warda di Polis ku un aksidente di tráfiko a kaba di tuma lugá riba e kaminda pa bai Rincon na altura di kas di famia Felida i ku tin herido. E aksidente tabata entre 2 pikòp, djis algun meter leu for di e sitio ku mèrdia tabata tin un aksidente. Mesora a dirigí un patruya i ambulans pa e sitio.

Na e sitio por a komprondé ku un pikòp dòbel kabina bayendo direkshon Rinkon pa motibunan ku te ahinda ta bou di investigashon, a baha kompletamente for di kaminda i bai dal den un otro pikòp ku tabata stashoná kantu di kaminda. Na e outo stashoná kantu di kaminda tabata tin un hòmber pará ku a keda heridá. Ambulans a transportá e víktima pa hòspital pa tratamentu médiko. Outoridatnan a transportá shofùr di e pikòp ku a okashoná e aksidente pa warda di Polis pa hasi un ‘blaastest’, pa motibu ku probablemente e tabata bou di influensia di alkohòl. Polis di tráfiko i CRS a keda enkargá ku e investigashon.

Share This
error: Content is protected !!