KRALENDIJK – Djabièrnè 9 di òktober e kantante konosí Ir-Sais, a organisá den kolaborashon ku DS Dansschool, un oudishon en konekshon ku su próksimo videocklep. E kantante ta pendiente pa hasi diferente grabashon na Boneiru, i huntu ku e skol di baile Dance Sensation dansschool, ta organisá algun sekshon di baile. Ir-sais tabata presente pa e okashon, pa a presensiá e muchanan durante nan baile.

Ir-sais ta na Boneiru, su isla natal, algun siman kaba pa realisá grabashon di videoklep pa su kansionnan nobo. E tin mester di hende pa aktua i figurá den e videoklepnan i pa e motibu aki e oudishon ‘Casting’ di djabièrnè último. E muchanan a presentá e atardi, bailando riba ritmo di kantika di Ir-Sais. Riba potrèt momentu ku e muchanan tabata balia. Tambe por mira Julianka Clarenda, Ir-sais, Angelo Alberto, Joëlla Ramos i Angele Cecilia kendenan tabata presente sintá na mesa pa opservá nan.

Share This
error: Content is protected !!