KRALENDIJK – E ta un tradishon ku tur aña e último djasabra di luna di òktober, miles di persona ta subi kaya ku nan radio sea individual òf den grupo di famia i amigu pa buska pampuna ku Live 99.9 Fm den diferente bario rònt Boneiru ku oportunidat di gana premio nan fabuloso kortesia di diferente empresa aki na Boneiru. Un alegria enorme i lokura total esaki ta trese riba kaya. Adulto i mucha chikitu ta partisipá. Tráfiko ta stanka na tur sitio ku Aimed Ayubi, direktor di emisora menshoná ku tin un pampuna skondi den e área. Hendenan ta disfrasá tur manera pa aparte di buska pampuna, nan sobresalí.

Un evento grandi ku asta a kuminsa haña bishita di gruponan ku ta bini pa partisipá for di Kòrsou i Aruba.

E aña aki lamentablemente pa motibunan ya konosí, gerensia di Radio Live 99.9 Fm a tuma e desishon pa no organisá e popular evento. Mirando magnitut di e aktividat, esaki lo tabata imposibel pa organisá. Ku poder di Dios, Live 99.9 Fm huntu ku empresanan lo organisá Buskamentu di Pampuna otro aña 2021 riba 30 di òktober. Save the date & Take Care!

Share This
error: Content is protected !!