CARACAS – Ya pa algun siman ta sirkulá e notisia relashoná ku e tènker ‘FSO Nabarima’ ku ta kontene desena di mion di galon di petrolio i ku un ora pa otro por senk, kousando un desaster ambiental. E tènker tin un kantidat di 1.3 mion bari di krudo abordo. Un tènker di e kompania petrolero di Venezuela a yega serka di e depósito petrolero Nabarima, i ta spera di risibí e krudo for di dje. Hopi ta esnan ku ta prekupá ku e situashon, entre nan diferente grupo di medio ambiente. Nan prekupashon ta si e barku senk, esaki ta un desaster mirando kuantu krudo tin den e barku. Ta notabel ku ya e tènker ta di banda pues e situashon ta alarmante. Tin indikashon si e barku basha krudo riba laman e dianan aki, dependé e koriente i bientu, e por yega den bisindario di islanan Aruba, Boneiru i Kòrsou den algun siman di tempu. Debí na esaki tin hopi atenshon den e área aki pa asina tin un bista kiko ta bai sosodé. E plan ta awor pa logra saka un kantidat di krudo for di e tènker, esaki di e tènker pa un otro barku. Ta bai hasi uso di e barku Icaro i Aframax, ku ta di e mes un kompania. Icaro ya a yega serka Nabarima i e barku Inmaculad tambe ta den direkshon pa duna ayudo den e deskargamentu di e krudo di un barku pa otro. Ta plania di parti di Autoridad di Trinidad & Tobago, pa inspekshoná e barku, ku ta den Golfo de Paria,  ku ta separá ámbos pais. 

Share This
error: Content is protected !!