KRALENDIJK – Djamars despues ku e informashon a sali ku ta bai tin mal tempu (sùitwèst), hóbennan di Playa Pabou a aktua pa evitá un situashon fastioso. Ta trata di e situashon na e waf di piskadó na Playa Pabou, kaminda momentu tin mal tempu, spesialmente bientu di sùitwèst, e ta pèrkurá pa laman brutu. E laman brutu ta kita tur e palunan ku tin riba e waf i nan ta bai den fondo di laman. E hóbennan a tuma e inisiativa pa kita e palunan promé ku e mal tempu a presentá, evitá ku e palunan ta kai den laman. Momentu ku nan ta den fondo di laman ta mas difísil pa saka nan. Esaki a duna bon resultado, mirando ku den oranan di atardi lat, laman a bira brutu, i si e palunan tabata riba e waf, tur lo a resultá den fondo di laman. Sigur bon inisiativa. (Riba potrèt momentu ku a kita e palunan for di riba e waf i pone na tera).

Share This
error: Content is protected !!