KRALENDIJK – Djarason 21 di òktober tabatin elekshon na St. Eustatius. Segun resultado preliminar, Progressive Labour Party (PLP), a gana e elekshon ku 815 voto. Na di dos lugá a keda Democratic Party (DP) ku 647 voto i na di tres lugá partido United People’s Coalition (UPC) ku 124 voto, ku no ta sufisiente pa un asiento. 2102 persona tabata por a hasi uso di nan derecho di voto. Di e dos mil unshenti dos persona ku por a hasi uso di  vota, 1617 persona a bai vota. Esaki ta nifiká ku 77 porshento di esnan ku por a vota, a vota riba e dia. E repartishon a bai pa; PLP 815 voto, DP 647 voto i UPC 124 voto. PLP ta e partido ganadó ku 3 asiento i DP ta haña 2 asiento den e Konseho Insular nobo. Sinku asiento tin na St. Eustatius, pues loke ta remarkabel; e mes un gobernashon ku tabat’ei tempu ku Hulanda a tuma mando aya na St. Eustatius for di nan, ta regresá na poder. Momentu ku Hulanda a tuma mando na 2018, PLP a bai kas, i awor pueblo di St. Eustatius, despues di algun aña ta vota pa pone PLP atrobe pa dirigí e isla. i awor ku e mayoria den Konseho Insular. PLP a dòbel na kantidat di voto den e elekshon di awor, loke ta indiká klara mente ku pueblo ke pa nan kontinuá ku e guia. E mensahe ta kla loke ku komunidat di St. Eustatius a manda pa loke ta trata gobernashon riba e isla.  

    

Share This
error: Content is protected !!