KRALENDIJK – Djadumingu atardi alrededor di 18:15 agentenan polisial riba patruya a konstatá aglomerashon di hende na altura di un snèk situa riba kaya Dr José Gregorio Hernández. Na momentu ku polis a bai pa atendé ku esaki i un bringamentu ku a forma, e públiko a bai kontra polis i a tira nan ku bòter di serbes. Dor di esaki polis a hañ’é obligá pa los tiru di atvertensia. A detené un hòmber di inisialnan C.G.C di 38 aña di edat i un hòmber di inisialnan L.J.M di 36 aña di edat. A kore ku tur hende for di e sitio i sera e establesimentu en konekshon ku violashon di e ordenansa di emergensia. E kaso ta bou di investigashon.

Si bo nota kualke situashon similar, no duda pa tuma kontakto ku polis na 911.

Share This
error: Content is protected !!