KRALENDIJK – Djadumingu outoridatnan polisial huntu ku Kmar a sigui ku patruya intensivo rònt nos isla pa kontrolá si suidadanonan i establesimentunan ta kumpli ku e ordenansa di emergensia aktual. Entotal outoridatnan a sera 3 establesementu pa violashon di e ordenansa pa motibu ku tabata tin aglomerashon di hende. Den oranan di atardi a sera un snèk na kaya Dr Jose Gregorio Hernández kaminda a asta lòs tiru di atvertensia i a detené dos persona. Mas anochi diferente yamada tabata drenta na warda di polis indikando ku tin aglomerashon di hende i molèster di músika duru na un bar/diskotèk na Hanchi Amboina. A presentá aki tambe i sera e establesimentu. Despues a bai un snèk na kaya Nikiboko Nort. Aparte di a sera e establesementunan, a kore ku tur hende for di e sitio. Notabel tabata personanan ku ta rabia i ta diskutí ku outoridatnan na momentu ku kore ku nan for di e sitio. No ta eksluí ku polis lo sigui kontrolá i aktua. Si bo mira kualke situashon similar òf sospechoso, tuma kontakto ku polis na 911.

Share This
error: Content is protected !!