KRALENDIJK – Djaluna atardi alrededor di 5:45, notifikashon a drenta via e number 911 na warda di polis ku un aksidente entre dos outo a kaba di tuma lugá na kaya Ruby i ku tin un herido leve. Kaya Ruby ta e kaminda di tera ku ta konektá ku kaya Piedra Presioso den Republiek. Un SUV Equinox di e marka Chevrolet koló oraño i un Toyota Corolla blanku pa motibunan deskonosí a dal frontal nèt na un subida ku tin na kaya Ruby. Probablemente un di e outonan tabata kore un tiki for di riba su man, i pa motibu di e pida seru no a mira e otro ta bini kontrali i a purba desviá pero nan a dal frontal den otro. Dos ambulans a presentá na e sitio di kual a transportá un persona ku a dal kabes den winshil pa hòspital pa tratamentu médiko. Tambe a atendé ku un dama ku tabata spantá i no tabata sinti su kurpa bon. KPCN kier rekordá tur hende pa semper bisti e faha di seguridat. Asina bo tambe ta kontribuí na un tráfiko seif i sigur pa bo mes i bo pasaheronan. CRS a tuma tur dato i registrá e aksidente.

Share This
error: Content is protected !!