KRALENDIJK – Den fin siman ultimo a tuma lugá e di 25 kongreso di NORCECA. Esaki ta e federashon di volibòl di Amerika nort, Amerika sentral i Caribe. E kongreso tabata planiá pa luna di yüni na Punta Cana pero mester a kansela esaki pa motibu di pandemia. E kongreso tabata dianan 24 i 25 di òktober 2020 di forma virtual via Zoom. Tur 41 pais miembro a partisipá ku un delegado.

E kongreso aki ta hopi importante pa e mundu di volibòl, kaminda a tuma luga elekshon di e Board of directors, direktiva i diferente komishonnan. Por ehempel a reëlegi Cristobal Marte Hoffiz komo presidente di NORCECA.

Ku orguyo BOVOBO kier a komparti, ku a elegí Gisette Emer komo miembro di e komishon di Beach Volley Ball i Jose-Luis Nicolaas komo miembro di e komishon di Desaroyo. Nos kier a felisitá nan ku e logro aki i desea nan hopi eksito ku e reto aki.

Di e forma aki BOVOBO ta sigui traha riba e desaroyo di voliból aki na Boneiru. Partisipando aktivamente den reunion, kongreso i komishon nan. Lokalmente tambe ta kontinua ku e plan pa voliból ta un deporte akitivo i importante.

Share This
error: Content is protected !!