KRALENDIJK – Awe djaluna mèrdia alrededor di 12or, outoridatnan polisial i kuerpo di bombero a keda dirigí pa un kas na kaminda Yato Bako. Na yegada di e patruya na e adrès por a konstatá basta huma ku tabata sali for di e kas. Tur kos tabata indiká ku e huma tabata bini for di den kushina di e kas. Na yegada di kuerpo di bombero a saka’fo ku pa un motibu òf otro un stof a keda sendé ku kuminda ariba. E hòmber habitante di e kas a lubida ku e tabata tin weya riba kandela i esaki a produsí basta huma. Danki Dios nada pihó no a sosodé i habitante di e kas a keda agradesido na ayudo di outoridatnan ku a yega na e sitio i evita lo peor.

Share This
error: Content is protected !!