KRALENDIJK – Hulanda a pone 3.2 mion euro disponibel pa ‘enseñansa tékniko fuerte’, repartí den islanan BES. Frans van Efferink, direktor di SGB, a splika tokante e proyekto ‘Enseñansa Tékniko Fuerte’ (Sterk Techniek Onderwijs), ta un programa supsidiá pa Ministerio di OCW. Meta di e programa ta pa laga mucha sera konosí ku téknika na edat hóben. Frans van Efferink a sigui bisa: “Muchanan di grupo 8 ta presente na SGB, esaki pa trese otro pensamentu i vishon serka nan. Momentu ku nan mira esaki, nan ta haña e pensamentu ku ta trata di algu diferente ku nan no a pensa riba dje i e ta interesante. SGB Boneiru a haña un supsidio grandi for di Hulanda pa e programa ‘Enseñansa Tékniko Fuerte’. Ta trata di un montante di tres punto dos mion dòler repartí den islanan BES, pa un periodo di 4 aña. Boneiru a risibí 2 mion dòler for di e montante. A traha un plan, konta ta bai atendé ku e proyekto. Dosente Elton Johnsen ta lider di e proyekto. Esaki ta bai krea diferente posibilidat entre otro pa kore stazje. Ta importante pa e hende, den e kaso aki mucha, pa nan sa kiko nan ta deseá pa bira den futuro. Loke bo gusta i tin talento pe, esei un hende lo hasi pa semper den su bida. Esaki ta importante pa bo deskubrié for di momentu ku bo ta bai skol básiko. Un dosente òf mayornan por ripara den un mucha su talento i papia kuné di esaki. Tin bia ta sosodé ku muchanan ta studia algu ku no ta nan deseo, sea a skohe algu robes òf no a bai bon ku sierto vak. Mi ta hopi kontentu ku e montante ku Hulanda a manda pa e proyekto. Ta importante pa haña hende interesá den e estudio. Sigur e ta hopi importante pa futuro, mirando desaroyo di teknologia”.

Share This
error: Content is protected !!