KRALENDIJK – Na Boneiru no ta posibel pa hasi un PCR tèst, loke ta rekerí pa por drenta diferente pais, meskos ta e kaso pa por drenta Boneiru. Esaki ta loke dòkter Marian Luinstra-Passchier a bisa. El a menshoná ku solamente por hasi un PCR tèst, momentu un habitante di Boneiru tin síntoma relatá na posibel Coronavírùs. Si un persona ta deseá pa bia for di Boneiru pa eksterior i aya ta rekerí PCR tèst, e mester pasa pa medio di un otro pais ku si nan ta hasi e tèst ariba menshoná, i kontinuá pa su destinashon final. Esaki ta pregunta nan ku a presentá resientemente dikon no por hasi e tèst na Boneiru. A splika ku esaki ta kostoso i ta rekerí un preparashon pa ehekut’é. Esaki ta prinsipio di GGD Hulanda i Salubridat públiko, ku tin e palabrashon ku no ta hasi e tèst pa biahero. Na Hulanda ta mes un proseso ta tuma lugá, kaminda solamente ta hasi tèst momentu un persona tin síntoma, posiblemente kontagiá ku Coronavírùs. Un ehèmpel ta si un persona ta deseá pa biaha for di Boneiru pa Colombia, e mester bai Kòrsou, hasi e tèst di PCR, i despues kontinuá pa Colombia ku ta eksigí pa e tèst promé drenta aya.    

Share This
error: Content is protected !!