KRALENDIJK – “Tin un plan pa stimulá negoshinan mediano i chikí. Esaki ta loke a bin dilanti, durante reunion di Konseho Insular resientemente, tratando tokante e programa di gobernashon 2019 pa 2023”, Hennyson Thielman, kende ta konsehero di diputado Elvis Tjin Asjoe a bisa. El a menshoná ku empresanan mediano i esnan chikitu ta wesu di lomba di ekonomia. Nan ta konsumí 80 pa 90 porshento di ekonomia. “Pa e motibu aki nos ta deseá pa stimulá e tipo di negoshi aki. E problema mas grandi di nan ta e parti finansiero. Den 2018 a traha un rapòrt di ‘midden en klein bedrijf’ (MKB). Den e plan ta pone kon ta stimulá nan. Den e plan tin pone kon pa guia e empresario i tambe e parti finansiamentu, ku hopi bia ta stòp òf stroba e empresario den e trabou ku e tin. Ta deseá pa yuda diferente manera ku e parti di finansa. Un di e manera nan ku awor ta un regalo ku Q-credits. Debí na e asuntu di Covid-19, nan a pone un asina yamá; ‘overbrugginscrediet’, pa yuda e kompanianan pa pasa e periodo aktual. Komo gobièrnu nos a yuda pa sostené nan den esaki, pa nan por mantené e interes ku mester paga pa un periodo mas largu posibel, ku ta 2 porshento pa 12 luna. Esei ta pa yuda e kompanianan pasa e  temporada aktual ku nan finansiamentu nan di máksimo 25 mil dòler. Asina nos ke sigui wak diferente otro forma pa yuda e empresarionan riba e tereno aki”, Hennyson Thielman a bisa.   

Share This
error: Content is protected !!