KRALENDIJK – Radio Live 99.9 FM a papia ku Coen van Gennip, kende ta hasiendo un investigashon relashoná ku medionan di komunikashon na Hulanda Karibense. “Nos ta hasiendo un investigashon pa loke ta trata media riba e islanan BES. Entre otro pregunta ku nos ta hasi ta; kua media e hende ta usa pa haña informashon, sea un radio, korant, media sosial i televishon. E tarea di investigashon ta pidí pa RCN. Gobièrnu di Reino na Hulanda Karibense ta komuniká regularmente ku su siudadanonan i ke sa si esaki por otro òf mihó. Ku e konosementu akí nan por yega na bo mas kompletu posibel.

A organisá algu manera esaki na 2018 i awor ta turno pa un bia mas organis’é. Na 2018 a papia ku algu mas di 800 hende, i e aña aki nos ta bai sigur ku ta bai papia ku mas hende tokante kon nan ta risibí informashon riba e islanan BES. E aña aki nos ta hasié online, debí na e situashon di pandemia di CoViD-19. Por bishita www.opinioncarib.com pa yena e enkuesta. E yenamentu di e enkuesta ta tuma mas o ménos 5 pa 10 minüt di bo tempu. Bo kontestanan ta kompletamente anónimo i bo privasidat ta sigurá. E preguntanan ta den tres idioma. Tin posibilidat tambe pa gana $250 dòler na kompras. E oportunidat ta dura te ku 16 novèmber 2020. Despues ta bai atendé e resultado i entregá esaki na RCN. Na kuminsamentu di desèmber ta saka e ganadó i ta manda e resultado pa prensa”,van Gennip a bisa.  

Kuminsá e enkuesta aki: https://nl.research.net/r/enkuesta-medianan-live?lang=nl_BQ

Share This
error: Content is protected !!