KRALENDIJK – “Ta posibel bula entre Boneiru i Kòrsou, solamente durante siman.” Esaki ta loke gezaghèber Edison Rijna a menshoná fin di siman pasá, tokante loke ta posibel entrante e siman aki. “Di djaluna pa djaweps por bula pa Kòrsou. No ta posibel pa awor, bula durante fin di siman entre e islanan menshoná. Esaki pa evitá hopi moveshon di hende ku ta biaha spesialmente fin di siman. Horeka por habri mas trempan i anochi no mas lat ku 10’or di anochi. Ta pèrmití pa awor no mas lat anochi, debí ku momentu e persona bebe hopi alkohòl, e ta bira kontentu di mas i no tin bon kòntròl riba e komportashon, ku tur e konsekuensia. Pues e ta un riesgo i pa awor ta evitá esaki. Si e komportashon di e hende ta bon, ta hasi posibel pa lugánan por keda habri mas lat anochi (mas lat ku 10’or). Otro kos ta; si un persona di Kòrsou biaha pa Boneiru sin PCR tèst, e tin ku bai den karentena pa 14 dia. Ta bon pa rekordá; si bai den eksterior i si e hende tèst positivo pa CoViD-19, e no por regresá Boneiru. Tur gastu debí ku e mester a keda mas largu ku el a plania den eksterior, ta pa e persona mes”,gezaghèber Rijna a bisa. 

Share This
error: Content is protected !!