KRALENDIJK – E kompania ‘Haafkes Bouw Bonaire’ den un reakshon ta konfirmá pa notisia Live 99.9 FM ku Sr. Haafkes a wòrdu agredí pa dos trahadó awe djamars mainta. Solamente no ta trata aki di trahadó di e kompania Haafkes, sinembargo 2 trahadó di un supkontraktor di e kompania di konstrukshon.

Mas aleu Haafkes ta bisa di a kumpli debidamente ku su deber di pago. E supkontraktor ta esun ku no a kumpli ku su deber di pago na su trahadónan.

Despues di e agreshon, polis a presentá na e sitio i a bai ku dos persona warda di polis pa investigashon. Sr. Haafkes a entregá keho ofisial kontra e dos personanan aki.

Bosero di kuerpo Polisial a konfirmá ku tin 1 detenshon a kai awe mainta relashoná ku e kaso aki.

Share This
error: Content is protected !!