KRALENDIJK – Ayera djamars for di trai mèrdia, un batayon di polis i reshèrshi kompañá pa Arestatie Team a inisiá ku diferente entrada hudisial aki na Boneiru buskando un sospechoso relashoná ku diferente kaso di tiroteo ku a tuma lugá den e último luna. Promé nan a bai na un kas den Bario Amboina kaminda a buska den e kas pa e sospechoso pero no a enkontré. Despues a bai na kas di e sospechoso den bario Tera Kòrá, na Kaya Monseigneur Nieuwindt. Aki tampoko e tabata. E di tres adrès ku outoridatnan a bai tabata na un kas riba Kaya Korona.    

Mientras ku reshèrshi tabata hasiendo un investigashon na kas di e sospechoso na Tera Kòrá, e sospechoso a blo na kas. Mesora a detené i transporté pa warda di polis. Awor investigashon ta sigui. Kuerpo polisial poko despues a konfirmá na prensa ku a detené e hòmber ku nan tabata buska. Ta trata aki di e hòmber di inisial B.R.P. di 25 aña di edat.

Share This
error: Content is protected !!