KRALENDIJK – E suidadano lokal mester haña un trabou ku ta paga bon. E hende mester prepará su mes bon E i gobièrnu tambe tin ku duna su aporte.” Hennyson Thielman a bisa esaki, durante reunion di Konseho Insular. EL a pone énfasis riba empleado den sektor di teknologia i kompanianan ku ta duna servisio di online. “E tipo di negoshi aki ta importante pa e hende lokal  haña trabou den dje, loke aktualmente nan ta paga bon pe. Gobièrnu a pone énfasis riba kompania nan nobo i spesialmente esnan ku ta ofresé servisio online. Spesialmente den e temporada di pandemia di CoViD-19 ta notabel mas i mas e importansia pa ta digital. Ta visibel mas i mas mundu ta atendé diferente servisio den direkshon di digital. E deseo ta pa bai mas tantu posibel den direkshon di digital, sinembargo mantené kultura i naturalesa. No ta bai desaroyá kosnan ku despues ta hasi daño na naturalesa. Loke ta importante pa pèrkurá pe ta bon Internèt, loke ta trahando huntu ku Telbo riba dje. Ta importante pa nos hendenan ta den e sektor aki, sinembargo ta importante pa nan ta bon prepará pe. E paso hopi bon i importante ku MBO a tuma aktualmente, ta e estudio di ICT. Komo Boneiru tin 0 porshento di ‘winst-belasting’, esaki ta hasi e isla di Boneiru hopi atraktivo pa tipo di negoshinan, ku no tin edifisio grandi pa establesé na Boneiru.  Esaki ta algu ku por hasi hopi bon uso di dje, i un di e bon ehèmpelnan di kon pa stimulá i trese tipo di inovashonnan ta, inovashonnan huntu ku organisashonnan grandi tambe”, Hennyson Thielman a bisa.    

Share This
error: Content is protected !!