KRALENDIJK – “Testnan ku ta duna resultado rápido, no ta hasi sufisiente distinshon entre un persona ku síntoma di grip i un persona infektá ku Coronavirus”,Dr. Marian Luinstra Passchier di Salubridat Publiko(PG) a bisa resientemente. El a sigui bisa ku e tèst rápido no ta funshoná korektamente pa usa na un aeropuerto. “Ta buskando otro opshon pa hasi tèst ku ta duna resultado rápido i konfiabel. Tin diferente tèst ku ta den desaroyo, i na Hulanda nan ta atendé ku nan, i momentu nan ta bon, Hulanda lo informá di esaki i hasié disponibel. E motibu ku ta deseá pa usa un tèst ku ta duna resultado rápido; si un persona tèst na Hulanda i e ta negativo, por sosodé ku sierto hende tin e vírùs sinembargo ta tèst negativo. Momentu ku nan yega Boneiru por bolbe tèst pa asina tin un bista mas sigur si e persona ta infektá ku e vírùs si òf no. RIVM a bisa ku e tèst ku ta duna resultado rápido ta bon pa usa na momentu ku tin hopi hende malu, i ta deseá pa hasi un tèst rápido pa detektá si nan tin Coronavírùs. Pues lamentablemente pa awor no por hasi uso di e tèst ku ta duna resultado rápido pa e fluho di biahero”, Dr. Marian Luinstra Passchier a bisa.        

Share This
error: Content is protected !!