KRALENDIJK – Cherethy Kirindongo, direktor nobo di kámara di komersio(KVK) i Janou TroemanKonsehero di impresario a papia na Radio Live 99.9 Fm tokante desaroyonan na KVK. 

Cherethy Kirindongo: ”Mi a kuminsá e reto na KVK 1 di mart 2020. Djis despues CoVid-19 a kuminsá manifestá na Boneiru. Nos a habri lokèt di sosten pa yuda empresarionan. KVK ta purba pa por tin tur e áreanan di areglo pa por informá tur hende bon, mas tantu posibel. Nos ta duna informashon i training na e empresario, i awor ta atendé ku un parti digital i sigur esaki ta hopi mas fásil pa atendé. Tin diferente kos ku ta andando, hopi trabou pa defendé kos na bienestar di e empresario na Boneiru. Tin mas ku 5100 empresario inskribí. No ta tur ta duna informashon si nan a stòp ku e kompania. Pues  nos mes tin ku buska pa sa si e kompanianan inskribí ta aktivo, si òf no. Mi mester bisa ku Radio Live 99.9 FM ta hopi skucha i esei ta kontribuí na nos, pa e informashonnan ku e oyente ta risibí”, Cherethy Kirindongo a bisa.  

Janou Troeman, kende ta Konsehero di impresario na KVK a konta; debí na e situashon aktual, e hende ta pensa hopi promé kuminsá un negoshi. ”Hende ku ta deseá pa lanta un negoshi òf pa konseho ta aserka nos. Awendia hende ta pensa hopi promé ku nan tuma desishon pa lanta un negoshi. Sinembargo, tin di nan si ta tuma e kurashi pa habri negoshi apesar di e situashon di CoViD-19. Hopi ta puntra kon pa sigui ku nan negoshi, i nos ta sinta huntu ku e negoshante i yega na ideanan pa nan por kontinuá. Kada empresario ta den un situashon diferente. E ‘steun loket’ ta funshoná hopi bon. Nos ta manda informashon pa tur empresario na Boneiru. Pakete di yudansa a yuda hopi bon. Por papia di un montante di 40 mion Euro ku ya a bai i ta bai bira mas”, Janou Troeman a bisa.   

Cherethy Kirindongo: ”Hulanda a krea pakete di ayudo i despues a adapt’é pa Boneiru, debí ku aki ta dependé di turismo i ta diferente for di Hulanda. Tin mas kos ku a pidi Hulanda, sinembargo no a logra tur kos. E parti di 30 porshento ku un kompania mester pa por prueba di dje, pa nan por ta den e pakete di ayudo, ta resultá poko fastioso pa sierto kompania. Esaki ta debí ku tin negoshi ku pèrdida, sinembargo ‘net niet’ no ta yega e 30 porshento pa bin na remarke di e ayudo. Kámara di komersio ta duna aviso, sinembargo ta gobièrnu nan ta tuma desishon final. E ayudo di Hulanda sigur a yuda hopi bon i esaki ta bai te yüli 2021. Despues di yüli 2021 lo ta visibel e situashon di bèrdat. Ta importante pa e komersiante sigui inová i dil ku e situashon nobo”, Cherethy Kirindongo a bisa.  

‘CRISIS MANAGEMENT’    

Djabièrnè awor KVK ta organisá un Crisis managemant, un seminario di kalidat pa medio di ‘Zoom’. Mester registrá pa esaki. No por ta presente serka e hendenan di KVK, sinembargo na kas mes bo ta sintibo huntu ku e hendenan den grupo. Ta papia riba diferente tópiko i tin 4 oradó. Tin un momentu ku tur hende por hasi pregunta tambe. 50 hende por a reservá i a sera e invitashon. Durante nan entrevista na Radio Live 99.9 FM nan a duna e posibilidat èkstra pa 15 hende mas por inskribí pa partisipá. E seminario ta kuminsá mayan mainta 9’or.   

Share This
error: Content is protected !!