KRALENDIJK – Algun ratu pasa poko promé ku 12’or di mèrdia, un piskadó di Boneiru den su boto riba laman, a topa ku un boto di mas o ménos 20 pia hopi modèrno sin niun tripulante abordo. E piskadó a mèldu Stinapa mesora di loke el a topa kuné na e sitio na altura di Malmòk. E boto tin 2 motor stábil di marka Yamaha, kada un di 115 forsa di kabai. Ta trata di un boto ku kabina ‘Proline’ hopi modèrno. Un boto di Stinapa ku algun ranger a presentá na altura di Malmòk i a trèk e boto bai kuné na Waf Chicu Mercelina na Playa.    

Duana, Kmar i polis a wòrdu poné na altura i a tuma e boto i investigashon over pa kuminsá rápido determiná na ken e boto ta pèrtenesé òf kiko por a pasa ku esnan ku tabata abordo. E boto no tin nòmber, tampoko number. Tur esnan konserní ta hasiendo investigashon na e boto, ku ta kolo blou skur ku blanku. Tin indikashon ku e boto ta hopi nobo i posiblemente for di Venezuela.  

Share This
error: Content is protected !!