KRALENDIJK – Awe, djabièrnè mainta miembronan di prensa i gobièrnu di Bonaire a hasi un rekorido na algun sitio, spesialmente kaminda Fundashon Cas Boneriano ta trahando kas. Joury Ranzijn, manager Vastgoed, directievoering nieuwbouw tabata presente i a guia e paseo i a splika di tur e plannan ku tin I kon ta bai ehekutá nan.  

Promé e grupo a bai den e área di Bario Nieuw Amsterdam. Den e bario menshoná nan ta trahando 76 kas i den hopi di nan ya tin hende ta biba i algun mas ta den proseso pa rekto final. Por komprondé ku tur kas ta bende. “Otro aña ta bai traha 50 kas mas loke tin plania. Un kantidat di kas nobo i ku ta den proseso. Di e forma aki ta yuda pa baha e kantidat di hende riba lista, pendiente pa yega na un kas. Na Bario Hato ta bai konstruí un total di 204 kas. E área kaminda e kasnan ta bin ta momentu un persona subi Kaya Diamanta i kasi final di e kaminda e parti ku ta asfalt, kita na man drechi i parti pariba di kaminda, ei ta bin 204 kas. Ta bai krea área ku hende por biba i tin diferente posibilidat den e área mes. Entre otro; krèsh, supermarket i mas, djis pa menshoná algu. Aprel 2021 ta planiá pa kuminsá konstruí e 204 kas na Hato. Ta trata di e mes un tipo di kas ku tin den e área di New Amsterdam.  

Plan ta pa entre 6 pa 7 aña konstruí un total di 500 kas ku Fundashon Kas Boneriano a planiá pa konstruí. Ta purba pa komuniká ku tur instansia pa por tin bon akuerdo ku otro, manera; OLB, BZK i SZW. Nos tin bon palabrashon loke ta hasi e trabou kana bon. E hendenan ku a kumpra kas i ta den e kasnan tin bon reakshon, pa loke ta trata e kas. Despues di Bario Hato ta bai konstruí mas kas den Bario Nikiboko, Rincon i Nort di Saliña. Si tur kos kana na òrdu, den 6 pa 7 aña Fundashon Kas Boneriano ta yega 500 kas ku tin plania pa traha”, Joury Ranzijn, manager Vastgoed, directievoering nieuwbouw a bisa. 

Share This
error: Content is protected !!