KRALENDIJK – E klup di futbòl di SV Uruguay tabatin presentashon di unifòrm nobo pa su tim Titans U-15, esaki den Stadion di Playa, unda ku na mes momentu a bendishoná tambe e sèt di unifòrm nobo.

Esaki a tuma lugá djárason 20 òktober 2020 di 4or pa mitar di sinku atardi.
E luna aki di òktober 2020, SV Uruguay ta selebrá tambe su di 2 aña ku a introdusí ekiponan di mucha i hóben, den terminonan di futbòl yama “U”.
Na 2018 a kuminsá ku U7 te ku U13, introdusiendo U5 na 2019 i e aña aki otro kategoria nobo ku ta U15.

Ta bon pa menshoná ku e hóbennan tabata ansioso pa kampionato kuminsá. Direktiva ta satisfecho ku e logronan di último 2 aña i e desaroyo di e timnan “U”.

Komo organisashon SV Uruguay Titans ta ansioso pa kampionato kuminsá pa asina por mira fruta di e esfuerso di nan “coach”nan, muchanan pero tambe mayornan ku ta sòru pa treinennan.
Riba potrètnan momentu di presentashon i bendishonamentu di e unifòrm nobo pa Titans U-15.

Share This
error: Content is protected !!