KRALENDIJK – Sr. Urbano “Bano” Pourier, konosido masahista diploma pa hopi aña kaba, despues di a studia i traha i logra hopi eksperensia aya na Hulanda, ta haña ku awó si ta momentu pa e kuminsá pasa su konosementu i eksperensia over na otronan akin a Boneiru, prinsipalmente na e hóbennan.

E la papia ku sr. Luti Balentin ku ta presidente di FFB ku ta e federashon di futbòl di nos isla, nan tin bon kontakto ku otro i ta tratando pa logra bini ku kursonan pa masahista di futbòl, loke nos isla tin mester di dje.
Kada klup di futbòl di FFB tin oportunidat di manda hende pa e kurso kurso.

Tambe sr. Bano Pourier ke duna kurso apart for di FFB pa di e forma aki mas hende por sigui e kurso. E ta kuminsá ku e kurso básiko promé i despues pasa pa e kurso avansá.

Esaki sin duda ta hopi importante.
Hopi hende awendia ta kore subi fèlt na momentu di supuesto leshon pero no sa kiko nan ta hasiendo. Nada kontra e hendenan aki ya ku nan ke yuda pero no a haña e preparashon pa esaki. P’esei sr. Urbano “Bano” Pourier, ke kuminsá ku e kurso pa prepará e hendenan aki.

No ta solamente pa e hendenan di futbòl e ke bini ku kurso, sino tur otro ramo di deporte. Kada ramo di deporte ta distinto fo’i otro den esaki.
Nos ta kere ku awó ku sr. Bano Pourier a mustra interes pa yuda den esaki i duna kurso por ehèmpel pa masahista di futbòl, nos tin ku tene esaki ku man duru i trata na kuminsá ku e kurso.

Aworakí por ehèmpel ku nos futbòl tabata i ta wantá te ainda, tabata i ta un bon momentu pa e kurso, di manera ku na momentu ku kampionato kuminsá, nos tin masahistanan hopi leu kaba den esaki. Sr. Pourier tin tur e materialnan nesesario pa duna e kurso.
a nos tin ku mustra interes pa esaki huntu ku FFB pa sigui e kurso.

Tambe otronan ku riba nan mes ke sigui e kurso apart di FFB, esaki tambe ta posibel, tumando kontakto ku sr. Urbano “Bano” Pourier na sel 795-3420.
Bo tin un grupo ku ke sigui e kurso pa masahista, tuma kontakto ku sr. Urbano “Bano” Pourier.

Share This
error: Content is protected !!