KRALENDIJK – Djabièrnè pa manisé djasabra mardugá, outoridatnan polisial a keda dirigí pa Coral Casino na Plaza Resort pa un kaso di destrukshon i ku tin un persona ku ta heridá. Na yegada di e patruya na e sitio por a komprondé ku agentenan di seguridat a haña nan ta atendé fuerte ku un dama i su pareha ku a drenta e kasino i a nenga di sigui reglanan di Covid-19. Despues di a informá nan ku si no bisti ‘mondkapje’ mester bandoná e kasino, e personanan a kuminsá heringá i bringa ku bewakernan. Na momentu ku a logra pa saka nan pafó di e kasino, e dama no a keda kontentu i a skòp e porta di entrada di glas di e kasino, destruí esaki i kòrta su pia malamente. E dama tabata sangra bastante i un kantidat di sanger a keda tras na suela. A yama ambulans pa presentá ku urgensia pa e kasino pero e dama a skohe pa bandoná e sitio i bai poli den un outo partikular i no kier a warda ambulans yega despues di a kai den pániko. A hòspitalisá e sospechoso den e unidat di kuido spesial. E kasino a duna keho di menasa i destrukshon kontra e sospechoso. E kaso ta bou di investigashon.

Share This
error: Content is protected !!