KRALENDIJK – Durante fin di siman ku a pasa, a topa ku perforashon di bala di arma di kandela den un muraya di un barbershop den sentro di suidat. Ta notabel kon e bala di e arma, a penetrá den e muraya i drenta den e barbershop. E bala a alkansá un spil ku tin den e negoshi, pegá kaminda hende ta sinta pa pela. Esaki a sosodé den ora di mardugá, i no tabatin niun hende den e lugá. E informe di polis ta bisa loke a sosodé; doño di un barbershop a tuma nota di perforashon di bala for di arma di kandela den su negoshi situá den sentro di suidat. Polis a menshoná ku nan a bai na e sitio i a tuma nota di loke a sosodé. E kaso ta bou di investigashon. Pues loke a sosodé; den ora di mardugá wikènt ku a pasa, pa un òf otro motibu un òf mas persona a hasi uso di un arma di kandela, komo konsekuensia ku bala a perforá di un barbershop. 

Share This
error: Content is protected !!