KRALENDIJK – Riba djaweps 5 di novèmber pa mas o ménos 6:15 di atardi, sentral di polis a risibí notifikashon ku un aksidente di tráfiko entre dos pikòp a kaba di tuma lugá na e krusada di Kaya Barakuda i Kaya Gramèl. Loke por a komprondé na e sitio ta ku pikòp 1 a kore dal den banda patras di pikòp 2. Dor di esaki e vehíkulo a drai i e personanan ku tabata sintá den e baki di pikòp 1 a sali bai kai kantu di kaminda. Un batayon di polis a presentá na e sitio i dado momentu tenshon tabata haltu kaminda ku mester a aktua. A kalma e situashon i no mester a hasi detenshon na e sitio. Shofùr di un di e pikòpnan a splika ku diripiente su breknan no a funshoná ku e konsekuensia menshoná. Ambulans a transportá un di e víktimanan pa hòspital pa tratamentu médiko.

Share This
error: Content is protected !!