KRALENDIJK – ‘Be Wasabi’ a habri; awor un realidat. Tur djaweps, djabièrnè i djasabra durante dia por kumpra kos pa kome den Kooyman na ‘Be Wasabi’.

Radio Live 99.9 FM a papia ku Jennifer Pocornie-Martis, kende ta atendé ku e tienda i el a konta kon nan ta funshoná. “’Be Wasabi’ ta un instituto ku ta traha ku tur loke tin di aber ku desaroyo personal; ‘Coaching’ i ‘Team building’. E loke tin awor den ‘Kooyman Mega Store Bonaire’, ta loke nos a hasi huntu ku ‘Posada Paramira’, esanan ku ta entrega nos kuminda pa   bendé. No solamente nos ta ofresé kuminda pa yena  barika di hende, sinembargo tambe alimentu pa e mente. Nos ta papia ku e kliente den un forma positivo pa yuda nan den nan desaroyá. For di siman pasa nos a kuminsá ku bendementu di kuminda i pa awor ta solamente 3 dia, i segun tempu, ta ahustá e servisio. ‘Be Wasabi’ tin pa ofresé; e famoso pan será ku ham di Pasku manera ta yam’é. Meskos pan sera ku; galiña, bakiou i baka stoba. Tambe tin sùlt, pastechi i krokèt tur dia. Banda di kuminda, tin kos di boka dushi, pues ku un palabra; tur loke e hende mester pa sisti su stoma”, Jennifer Pocornie-Martis a bisa. ‘Be Wasabi’ ta habri tur siman; djaweps, djabièrnè i djasabra, 8or di mainta pa 6’or di atardi. Pasa i disfrutá di algu di nan spesialidat. Riba potrèt Jennifer Pocornie-Martis i su kolega Michaela Hooi, mas algun kliente.   

Share This
error: Content is protected !!