Kralendijk – Marian Luinstra Passchier a bisa durante un enkuentro ku prensa resientemente, ku último tempu no tabatin hopi kaso di hende infektá ku Coronavírùs. “Awor ku ta suavisá e reglanan, ta un bon momento pa nos tira un bista den pasado. Pa nos wak e kasonan di COVID-19 for di kuminsamentu di e pandemia, asina siña di nos mes eksperensia. 

E grafik ta mustra ku pa hopi tempu Boneiru no tabatin niun kaso di Covid-19. Na aprel i yüli nos tabatin algun kaso di hende ku a pega ku e vírùs. Pero esei no a resultá den mas kaso di Covid-19. 

Na fin di ougùstùs e kantidat di kaso di hende ku a pega ku e vírus, a kuminsá subi. Nos no ta sigur unda esei a kuminsá. Pero ta sigur sí, ku via un otro pais òf isla a introdusí COVID-19 na Boneiru. Den poko tempu nos a haña masha kaso di hende ku a pega ku e vírùs. Den nos investigashon di kontakto i di fuente a sali na kla, ku no ta tur hende tabata tene distansia di un meter i mei.  

Ora e kantidat di kasonan di COVID-19 a oumentá, a bini ku medida severo. Danki Dios tur hende a tene nan mes de lo mehor posibel na e reglanan. I asina nos a logra pa huntu nos tene e vírùs bou di kontròl. Nos ta spera ku ora tin kaso nobo di hende ku a pega ku e vírùs, nos por aktua mes lihé. Pa huntu nos por tene e vírùs bou di kontròl.

Nos a disidí meskos ku Aruba i Hulanda, pa hasi e periodo pa bai den karentena mas kòrtiku. Esta di 14 pa 10 dia. For di dies seis di novèmber esei ta e kaso. Nos ta hasi e periodo di karentena mas kòrtiku, pasobra masha tiki biaha ta resultá, ku un hende ta pega ainda ku e vírùs den e delaster kuater dianan.  

Aruba a tèst kon ta bai ku un periodo mas kòrtiku i esei a bai bon. Hulanda a introdusí e karentena mas kòrtiku pa algun tempu kaba. Ku un periodo mas kòrtiku, nos ta hasié mas fásil pa hende keda den karentena sin masha riesgo”Marian Luinstra-Passchier a bisa.

Share This
error: Content is protected !!