KRALENDIJK – E atleta di 23 di aña di nos isla ku ta Abisai Pietersz, djadumingu último a gana e asina yamá “Romania Muscle Fest Pro”, esaki den e kompetensia kategoria “Men’s Physique” aya na Romania entre 17 atleta di e otro paisnan ku tabata den e kompetensia.
Ku esaki Abisai Pietersz a gana tambe e derecho pa otro aña na luna di desèmber, kompetí den e kompetensia pa e título di Mr. Olympia na Las Vegas den su kategoria di “Men’s Physique”.

Pa logra esaki, Abisai huntu ku dos otro atleta mas, di kua unu di Italia i unu di Brazil, a keda e último tresnan den e kompetensia djadumingu último, di kua for di un di nan lo mester a yega na un ganador di “Romania Muscle Fest Pro” kategoria “Men’s Physique” entre e 17 atletanan.
Aki Abisai Pietersz a sigui den kompetensia pa finalmente logra den su promé kompetensia Pro, gana esaki pa gana e derecho tambe pa desèmber otro aña, kompetí den e kompetensia pa e título di Mr. Olympia na Las Vegas.

Abisai Pietersz komo ku e ta biba na Hulanda, fin di siman pasá a kompetí pa Hulanda den e kompetensia aya na Romania i gana den su kategoria di Men’s Physique.

E ta hopi kontentu ku e logro aki, anke ku e la kompetí pa Hulanda di kua nos tambe ta kai bou di dje, pero su kurason ta keda bati Boneiru.
Djaluna mes Abisai a regresá Hulanda for di Romania.
Nos ta felisitá Abisai Pietersz ku e logro aki, di kua na un edat di 23 aña den su promé kompetensia Pro ta logra gana esaki tambe den su kategoria.
Abisai Pietersz tin un aña pa prepará su mes pa e kompetensia na luna di desèmber otro aña na Las Vegas.

Nos ta deseá Abisai Pietersz tur klase di éksito ku su preparashonnan durante esun aña di preparashon, pa tur kos bai bon kuné tambe den e kompetensia aki.

Riba potrèt Abisai Pietersz despues di a risibí su premiashon fin di siman pasá aya na Romania.

Share This
error: Content is protected !!