KRALENDIJK – Resientemente a tuma lugá durante reunion di konseho insular, tokante e resultado ku a tuma lugá di entre otro ‘Bonaire Holding Maatschappij’. Gezaghèber Edison Rijna a menshoná durante e anochi, mirando e direkshon ku e reunion a bai, entre otro tokante integridat, sinembargo mas importante; tokante e proseso pa loke ta trata e asuntu di ‘Bonaire Holding Maatschappij’. “A debatí durante e reunion di Konseho Insular tokante e investigashon ku a keda hasí riba mi enkargo, esaki despues ku mi a tuma nota di posibel violashon di integridat den gobernashon. Tin diferente diskushon a lanta tokante e proseso. Mi no ta bai den detaye, debí ku e reunion den Konseho Insular no a tèrminá. Mi ta lamentá ku ta hasi intento pa desviá e atenshon for di kontenido i ta bai papia tokante e forma kaminda ademas ta ekspresá mentira. Esaki ta bon pa laga pueblo mira; bon gobernashon no ta un gritu bashí, i e ta sinta den kurason di gobernantenan, polítikonan i ámtenarnan di Boneiru. Despues ku 29 di mei último mi a haña e promé señal ku posiblemente tin kaso di violashon di integridat, Mi a tuma e desishon pa laga e proseso kana, segun e palabrashon nan ku tin den konseho insular. Esaki pa duna un ehèmpel, kon nos konkretamente ta duna oido na e konsepto di integridat. A pidi nos konsehero di integridat si e investigashonnan tin base. Esaki a kondusí na un investigashon  pre eliminá. Dos konklushon a duna motibu pa mas investigashon. E promé ta; Kaminda ta hasi análisis pa kontraktnan ku a sera anteriormente, nos konsehero di integridat konhuntamente ku ámtenarnan al respekto, a hasi e investigashon. E di dos; A laga un ofisina di registrashon renombrá independiente hasi e investigashon. Ta trata di; ‘Bureau Integriteit Nederlandse Gemeenten’. Ta kulpami di sierto kos; ku mi a kompartí  e rapòrt di e investigashon ku sekretario di Estado i e representante di reino interino i despues ku Konseho Insular. Esaki no ta bèrdat! Konseho Insular a risibí e informashon promé ku e otronan. Si no duna balor na e informashon aki, gobièrnu di Boneiru ta laga mira ku integridat ta di gran importansia pa nos. No ta tapa kos mas momentu ku nan no ta tene kuenta ku regla. Promé ta eksihí transparensia. Ta mas alertá pa señalnan, i no duda, ya ku promé sospechonan  di violashon integridat, laga hasi investigashon independiente dirèkt. Ta aktua tambe den un forma dirigí i efikas, pa pèrkurá ku ta implementá rekomendashonnan di ámbos rapòrt. Ta bai konsiderá tambe kiko ta e posibilidatnan, pa garantisá integridat den nos gobernashon”, gezaghèber Rijna a bisa.

Share This
error: Content is protected !!