KRALENDIJK – Gezaghèber Edison Rijna, awe mainta a papia relashoná ku e situashon di áwaseru ku ta kousa molèster. Hopi awa ta okashoná molèster na diferente sitio, esaki debí ku áwaseru ta kayendo for di mardugá. Tin indikashon ku áwaseru ta sigui kai den e próksimo oranan.  “Hopi yamada a drenta di habitantenan ku ta pidi ayudo debí na molèster di awa na diferente sitio. Diferente kaya inundá i kas ku a yena ku awa. Brantwer ta riba kaya i entre otro nan a bai hospital pa yuda ku aliviá e situashon di hopi awa di áwaseru. Nos tin un tim i huntu nos ta analisá i wak kua ta e lugánan ku ta rekerí yudansa na promé lugá. Polis, brantwer i departamentu di Toezicht en Handhaving ta na diferente sitio riba kaya, tumando nota di e situashon di molèster di awa di áwaseru. Hopi konstrukshon a bini último aña i ta tirando bista si tur kos ta na òrdu, esta si e hendenan a konstruí ku pèrmit, evitá ku kisas ta blòkia un kaminda ku ta destiná pa pasada di awa di áwaseru”, entre otro gezaghèber Rijna a bisa.

 

Share This
error: Content is protected !!