KRALENDIJK – Suidadano Rudolfo Dufi Martijn durante un entrevista na Radio Live 99.9 FM, a papia tokante kon ta atendé ku un persona na momentu ku nan bai studia den eksterior i regresá Boneiru.  

Dufi Martijn: “Momentu ku un studiante ta bai studia den eksterior, gobernantenan ta presentá na aeropuerto i ta bisa e studiante; Bai siña i bin bèk bin traha pa yuda boso isla bai dilanti. Dòkter Oleana kasá ku yu di Milo Vos a bai studia i regresá. E tabata traha komo sekretario pa partido Demokrat un temporada. Despues di a studia pa bira dòkter, el a regresá i a traha un temporada kòrtiku pa dòkter Hermelijn, a neng’é pa e por firma resèpt pa pashènt por bai botika. Awó dòkter Michael Hermelijn no tei mas, mi ta spera tin un komishon trahando riba e asuntu aki, pa trese un dòkter Boneriano pa remplasá e lugá di e dòkter ku no tei mas huntu ku nos. Esei no ta den mi man, pasobra ken ami ta pa bisa ken mester duna pèrmit pa e funshon komo dòkter. Sinembargo mi ta spera e bira un realidat!”, Dufi Martijn a bisa.

Share This
error: Content is protected !!