KRALENDIJK – Tur aña riba e fecha 20 di novèmber, ta selebrá mundialmente Dia Internashonal di Mucha. Tema sentral e aña aki ta partisipashon. Ku otro palabra: opinion di mucha o hóben. E tema aki ta unu krusial pasobra hopi biaha ta pensa pa hóbennan sin envolví nan mes den e desishon. Esaki ta algu fundamental otro for di pensa pa nan o kontra di nan.

Alabes esaki ta un tema mas amplio ku maltrato di mucha. Derechi di mucha natural ta bai mas leu tambe ku maltrato di mucha. Pa e motibu aki gobièrnu i instansianan no-gubernamental ta invirtiendo tambe mas i mas den formanan práktiko di partisipashon di mucha i hóben. Importante a bira pa nan yuda pensa prioridat (sigur den un periodo di skarsedat), den tomo di desishon i den evaluashon di ehekushon. Hasiendo esaki nos ta mira solushonnan mas sólido.

Sentro pa Hubentut i Famia ta premirá bastante kambio próksimo añanan ora ta trata partisipashon.

Partisipashon por duna tambe un empuhe. Hóbennan por pensa kompletamente otro. Por ehèmpel den e periodo aki di korona o kon di atendé ku pobresa serka mucha. 

E aña aki lástimamente Sentro pa Hubentut i Famia no por a organisá e marcha popular di derechi di mucha. A pensa riba un otro forma kreativo. Tampoko por a organisá Teatro Hubenil Interaktivo di tur aña. Den esaki hóbennan mes ta disidí tokante di e tema, e kontenido i e interkambio ku públiko. Den esaki hóbennan ta duna nan teps pa prevenshon. Nos ta yama tur mucha i hóbennan pabien riba nan dia, i na mayor i edukadónan éksito den nan tarea pa ku edukashon di nos tesoronan.

Share This
error: Content is protected !!