KRALENDIJK – E siman aki prensa por a topa i sera konosí ku e pintor Edoardo Trionfera a.k.a. Dodici, kende a pinta su promé pintura riba muraya na ofisina di SELIBON N.V. Ta trata di e programa asina yamá ‘Street Colors Bonaire’, ku e meta pa laga muchanan di skol MBO, siña mas pa loke ta trata pintamentu riba muraya. Edoardo Trionfera ta un Italiano biba na Hulanda. Huntu ku algun hóben di MBO, nan a pinta e pintura riba e muraya di ofisina di Selibon N.V.    

“E pintura riba e muraya di ofisina di SELIBON ta trata di un flamingo ku diferente sobrá di kos, esaki pa ilustrá ku tin hopi plèstik ku ta den laman, esaki debí na e hende, loke ta kousa peliger i destruí entre otro flamingo. P’esei nos a skohe flamingu ku e kolo di shinishi. Despues di esaki nos ta bai hasi mas pintura riba diferente parti riba e isla di Boneiru. Meta prinsipal di e pintamentu no ta solamente pa pinta riba muraya ,sinembargo pa guia i siña e hóbennan pa kere mas den arte. Mi a hasi diferente workshop na skol, pa laga e hóben ekspresá su mes kreatividat. Mi ta na Boneiru pa un durashon di 6 siman, te dia 5 di desèmber. For di mi 3 aña, mi a kuminsá pinta i gusta hasié. Mi a nase na Italia i a opta pa bai Hulanda pa amplia mi konekshon mas i mas”, Edoardo Trionfera a konta prensa. Riba potrèt e arte di e pintor Italiano.

Share This
error: Content is protected !!