KRALENDIJK – Corona vírùs òf Covid 19 a trese hopi kambio den bida sosial na Boneiru. Fundashon Nawati tin ku realisá ku pa e selebrashon di Dia di Nort’i Saliña esaki tambe ta konta i ku nos tin ku buska un forma alternativo pa e selebrashon. Un selebrashon públiko manera nos tabatin kustumber di tene no ta posibel pa 2020; ni pa motibu ku no ta haña e pèrmit ku tin mester pa esaki, ni tampoko ku e fondonan ku Entidat Públiko Boneiru sa pone na disposishon di nos fundashon pa organisá un selebrashon, no ta disponibel e aña akí.

Direktiva di Nawati a pensa di tene selebrashon ku un bríndis chikitu despues di un sakrifisio di Misa na parokia di Coromoto huntu ku presentashon di un programa na televishon òf na radio.

Den kuadro di rekoudá fondo ku por hasi uso di dje pa nos selebrashon nos a kuminsá organisá un dia spesial di bendementu di T-shirt di bario i tambe bandera di bario. E dia spesial di bendementu akí, lo ta riba djadumingu 29 di novèmber na Sentro 60+ Alejandro Saleh den Kaya Cacique, otro banda di Sentro di Bario Nort’i Saliña, for di 4’or pa 6’or di atardi. T-shirt ta kosta $15.00 i bandera ta den un ganga spesial di $50.00 pa e akshon akí (di bandera tin solamente 10 pida).

Pues si bo ke tin bo T-shirt i un bandera, reservá djadumingu 29 di novèmber i pasa na Sentro 60+ entre 4’or pa 6’or di atardi.

Share This
error: Content is protected !!