KRALENDIJK – Dabboussi Motors, kompania ku ta bende outo marka Changan na Boneiru, a trese un kambio drástiko den preis pa un outo nobo na Boneiru. Esaki ta loke e doño di e kompania Amouddi Dabboussi i mènedjer di benta Francisco Zavala a bisa, den un kombersashon enkonekshon ku selebrashon di 1 aña di eksistensia di e marka Changan na Boneiru. “Boneiru tin diferente kompania ku ta bende outo i aparte ku ta sosodé ku un kliente ta warda hopi pa haña piesa, preis di outo ta suma mente haltu. No ta ami so ta mir’é, sinembargo tur hende ta na altura di esaki.  

E ganashi ku kompanianan ta hasi riba kada outo ku nan bende, ta hopi haltu na Boneiru. Mi tin outo ku bo por kompará ku otro markanan ku ta bende na Boneiru, mi preis ta por lo ménos 40 porshento mas barata. Tin hende a kumpra outo nobo ku no ta marka Changan algun luna pasá, i nan a aserkámi kon pa nan sali for di dje i kumpra un Changan. Un SUV CS15 ta 16 mil dòler i e ful ekipá ta $18.900. Djis pone 40 porshento riba dje i saka bo sòm. 

E MARKA CHANGAN  

Pasando un temporada na China, opservá kua marka di outo ta mihó, mi a tuma den ku e marka Changan. Banda di Changan ku ta ya barata, tin marka mas barata aya na China i kisas di bon kalidat. Esei mi no por bisa. Loke si mi sa ta ku Changan ta di bon kalidat pa super bon preis. Mi atenshon a bai riba Changan, pasobra nan ta traha vehíkulo di marka manera Ford, Suzuki, Mazda i otronan. Ta outonan di marka konosí ku ta kore na Boneiru i nan tin hopi aña di eksperensia. Nunka nan no a sali pafó pa bende outo, i awor a opta pa bai riba merkado mundial, i ta kosechando éksito ku nan produkto”,Amouddi Dabboussi a bisa.

DIFERENTE TIPO DI OUTO 

Nos tin pa ofresé outo simpel, sinembargo tambe ful ekipá, dependé e kliente su deseo. Djis pa menshoná e outonan tin kámara ku bo por wak rònt di e outo, asina hasi e parti di seguridat mas sigur. Aparte di e kámara e outo tin diferente kos mas pa loke ta trata seguridat.  

COVID-19 NO A STROBA MASHA 

Apesar di situashon di CoViD-19, nos ta moviendo hopi bon. Tabata algun luna despues ku nos a inisiá benta di e outo e problema di CoViD-19 a presentá, sinembargo nos ta satisfecho ku loke nos a bende te awor. Ta papia di mas ku 200 outo marka Changan ku ta koriendo riba kamindanan na Boneiru. Bendishon di Dios loke nos a logra, tresiendo outo di bon kalidat i barata. Nos no ta bai kambia preis por lo pronto.  

KUMPRA OUTO NOBO NOBO SERKA NOS I PAGA MENOS 

Si bo kumpra un outo serka nos bo ta paga ménos na e outo i paga ménos pa luna, sigur kompará ku otronan.       

Nos a kuminsá ku algun modèl i a amplia ya pa 6 diferente modèl. Awor nos ta hopi amplio pa loke ta trata piesa, pa evitá ku na momentu algu sosodé, e kliente tin ku warda hopi riba piesa.  

TREMENDO SERVISIO 

Dabboussi Motors ta ofresé e servisio momentu ku un kliente hañ’é den un aksidente, ta dun’é un otro outo temporalmente te na momentu ku su outo ta drecha. E no ta keda sin outo niun momentu. E kliente no ta keda na pia. Ya el a sosodé den 2 kaso ku nos a yuda e kliente manera menshoná. Tur kliente por bèl kualke momentu ku algu sosodé, i ta duna servisio rápido.  Tin un vehíkulo spesial pa duna servisio pa kliente.   

GARASHI BOU DI TERA 

Un garashi ku ya tin algun luna ta funshoná stabil, situá bou di tera dilanti di aeropuerto Flamingo. Den futuro e sitio menshoná dilanti di aeropuerto ta bai atendé ku tur kos ku tin di aber ku outonan marka Changan. Ta bai tin un lugá spesial pa e kliente sinta i disfrutá di kos pa kome, miéntras nan ta traha bou di tera riba su vehíkulo. Otro kos ku nos ta úniko den dje, niun otro kompania di bende outo ta duna un tèst drive, loke nos ta hasi pa e kliente eksperensia loke e ta bai kumpra, si e ta kómodo pe òf e tin ku buska un otro modèl. Nos tin pikòp for di 26 mil dòler, outomátiko, gasolin i diesel. Tin diferente petishon kendenan ta inesperá di un outo.  

DJABIÈRNÈ ‘BLACK FRIDAY CHANGAN’ SPESIAL 

Djabièrnè awor ‘Black Friday Changan Spesial’,  nos tin hopi pakete di deskuento i nos ta rifa un outo 2021 nobo nobo. Djabièrnè e kampaña ta kuminsá i na febrüari 2021 ta saka e ganadó.  Tin diferente outo ku deskuento di 1500 dòler  pa djabièrnè awor. Djabièrnè awor por pasa for di  8or di mainta pa 8or di anochi. Deskuento pa djabièrnè so! Ora un hende kumpra 50 dòler òf mas na sea City Shop, hür outo, òf kumpra outo sea nobo òf segunda mano, e ta partisipá pa gana e outo den kampaña. Dependé e kompra ta mara na kantidat di karchi ku e kliente ta risibí pa partisipá pa gana e outo. Esaki ta loke Daboussi Motors, ta duna bèk na pueblo di Boneiru”, Amouddi Dabboussi a bisa. 

Share This
error: Content is protected !!