KRALENDIJK – Digicel Bonaire ta mantené su promesa di dunabo simplemente mas den e temporada festivo aki tambe. Ku diferente manera pa klientenan risibí mas i pèrmití nan kompartí mas tambe- si nan ta deseá esaki. Rápidamente después di e introdukshon di Digicel komo un operador digital, i e promesa pa ofresé eksperensianan digital potente henter dia i tur dia via di nan 8 App(nan) Digicel ta ofresiendo un abundansia di data pa su klientenan disfrutá, sinti i eksplorá.

Meskos ku Digicel tin un App i un eksperensia pa tur hende sin importá kiko ta nan estilo; tin tambe regalo, ofertanan i rekompensa pa tur hende. Tin hasta maneranan masha great pa klientenan kompartí esakinan, si nan ta deseá. Ken lo no ke kompartí? Ta Pasku!

Digicel ta brinda su klientenan chèns pa gana $2.000. Na momentu ku un kliente paga su kuenta, apliká pa un kontrakt postpaid, Top Up òf aktivá un plan e ta risibí un kantidat di punto ku ta bai den e tómbola digital asina e ta partisipá pa gana premio semanal i e premio mayó na final di e kampaña.

E Pasku aki, tur 8 App, lo ta núkleo di selebrashon. MyDigicel App, BiP, Sportsmax, Billo, D’Music, Playgo, GoLoud i Loop, kada un den propio estilo lo tin entretenimento i maneranan interaktivo pa ofresé simplemente mas!

E Pasku aki, i enrealidat tur momentu, e MyDigicel app ta kaminda bo mester ta pa ‘shake’ i kompartí. Klientenan por regalá otro Digicel Prime Bundle den e MyDigicel App. Ku e espektakular ‘Shake To Win’ por gana premionan ora bo aktivá un plan eligibel òf premio garantisá tur djasabra ku chèns di gana day pass pa hotèl, voucher pa supermerkado i restorant i hopi mas durante e temporada festivo aki. Tambe bo por gana e.o. data, minüt lokal i internashonal i deskuento riba prime bundles. Aún mas mihó ta ku pa e último premionan aki klientenan tin opshon di keda ku nan premio òf regalá e premio na otro persona.

Esei no ta tur kos. E sentro di un bida digital naturalmente ta un telefon ku ta duna klientenan oportunidat pa eksperensiá mas. P’esei Digicel lo ofresé diferente oferta di telefòn ku un plan postpago òf prepago na un tremendo preis.

Roeland van der Hoeven, CEO di Digicel ta komentá “Simplemente mas; esei ta nos promesa awe i tur dia di aña. Enrealidat, kada minüt di dia. Pero e Pasku aki, ora nos papia di simplemente mas- nos no ta papia di un ‘mas regular’- nos ta papia di mas mihó ku nunka, un brote di kos bon, di un ‘mas espektakular’. Nos ta orguyoso di ta Mas Mihó Huntu i entusiasmá pa hasi e Pasku aki e mihó pa tur nos klientenan.”

Share This
error: Content is protected !!