OUTO SIN PLACHI NUMBER TA PURBA KORE BAI LAGA POLIS I AKSIDENTÁ

KRALENDIJK – Awe djasabra alrededor di 2’or di mardugá durante un patruya regular, polisnan a bin enkontrá dos outo pará na altura di misa di Playa. Agentenan atento a bira bèk pa asina por analisá e situashon mas mihó mirando ku un di e vehíkulonan no tabata disponé di un plachi di number.

Na momentu ku e shofùrnan a tuma nota ku e agentenan a lora bin bèk, tur dos shofùr a kore bai ku velosidat haltu. Na e momentu ei a surgi un persekushon riba kaya Nikiboko Sùit i un di e shofùrnan a lora di banda kontrali na e rotònde di Sabana pa subi Kaya Kanari. E patruya polisial a sigui tras di e vehíkulo ku a lora rotònde di banda kontrali i sin plachi di number. Riba Kaya Kanari nèt den un bògt e shofùr a pèrdè kòntròl riba e vehíkulo i bai aksidentá den 2 vèn ku tabata stashoná kantu di kaminda.

Polisnan a detené un hòmber di inisialnan T.A.G.D. di 25 aña di edat i un dama ku inisialnan M.J.D di 18 aña di edat.

Share This
error: Content is protected !!