KRALENDIJK – Pa demokrasia funshoná tin tratado, lei, protokòl, areglo, akuerdoi prosedimentu ku ta bon deliñá den tur buki di derecho estatal, pero práktika ta leu di esaki pa motibu ku ta hende ta kontaminá nan ku pensamentunan apsurdo i imposibel pero bunita tresé dilanti pa konvensé hende ku loke bini dilanti ta bèrdat. Tuma Konseho Insular komo ehèmpel. Parse ku ta normal bandoná reunion òf no presentá òf pidi pa skòrs sinku minüt pero regresá despues di un ora, tin tiramentu di falta òf humiliashon di: gezaghèber, grifir, koalishon, kolegio ehekutivo i diputado. Awor tin un kiebro den frakshon di MPB ku ta bai kosta komunidat plaka pa e frakshon nobo ku su dos miembronan den komishonnan di Konseho Insular.Diputado di MPB a tuma retiru i ta bai bira miembro di frakshon pa dieskuater luna. Ken tin ku baha. Esun ku baha ta bira diputado òf ta un otro ta baha sin bira diputado. E kambio aki tambe ta kosta plaka. Ta bini un stankamentu den gobernashon i ki ta bai hasi ku tur e plannan di diputado Tjin Asjoe. Tòg ta bai pa Poder, Plaka i Prestigio Personal sino no tin tantu kambio den MPB. UPB ta sintá ku un diputado riba kua su kabes ta kologá un rapòrt ku ta bisa ku e diputado no ta konsistente ni  konfiabel i ni kuidadoso. Oposishon a pidi pa trata mal maneho finansiero di Kolegio Ehekutivo iya a konkluí sin hiba debate ku e maneho ta malu.Manera kos tabai ku kiebro den partido MPB, hiba polítika di fabor na amigu polítiko ta trese deskonfiansa den polítiko i polítika.Mi ta rabiá pae manera ku Konseho Insular i Kolegio Ehekutivo ta funshoná. Awor ta e momentu pa un polítiko lanta bisa ta basta, pasobra no por atendé di e forma aki ku interes general. Bonaire tin nesesidat di representante i mandatarionan konsistente, konfiabel i kuidadoso.

Dat is mijn uitspraak en daar zult u het mee moeten doen ( ekspreshon di Rijdende Rechter)

Tradukshon liber Esei ta mi konklushon i polítikonan lo tin ku biba kuné

Share This
error: Content is protected !!