Kralendijk –Direktorado Espasio i Desaroyo ta bai entregá Kolegio Ehekutivo di Boneiru un konsepto di ordenansa tokante sierto tipo di plèstik di un solo uso. E prohibishon ta forma un promé paso importante den redukshon di plèstik desechabel na Boneiru. Si aprobá e ordenansa, e ‘lei di plèstik’ akí lo forma parti di e ordenansa lokal di sushi. E ordenansa ta strukturá den fase ku ta hasi posibel pa den futuro serkano ekspandé e prohibishon ku otro tipo di plèstik desechabel. Di e manera akí ta eliminá uso di plèstik desechabel gradualmente na Boneiru.

Na 2019 a tuma lugá un buelta di konsulta ku un representashon amplio di importadó, supermerkado, restorant/toko i hotèl na Boneiru. For di esaki a resultá ku tin sosten pa prohibishon di bestèk, pipa, palito pa drei, tas i empake di kuminda di plèstik, bou di kua Styrofoam. P’esei a skohe den e promé fase pa prohibishon di un grupo di produkto di plèstik desechabel ku empresanan lokal por remplasá relativamente fásil ku alternativa duradero.

Na 2019 diputado responsabel Kroon huntu ku minister di medio ambiente Stientje van Veldhoven – van der Meer a firma un deklarashon di intenshon pa un prohibishon di plèstik desechabel. Konseho Insular anteriormente ya na 2018 kaba a tuma un moshon pa restringí uso di plèstik desechabel.

Si aprobá e konsepto di ordenansa, seis luna despues di publikashon lo ta prohibí pa suministrá bestèk, pipa, palito pa drei, tas i empake di kuminda di plèstik desechabel, i/òf bende esakinan. E prohibishon no ta konta pa solamente empresa, sino tambe pa personanan ku komo hòbi ta gana un sèn èkstra i ta usa empake di plèstik manera bendedó di snèk. Lo amplia e ordenansa di plèstik den fase i ku tempu esaki mester kondusí na un prohibishon di e tiponan di plèstik desechabel ku ta hasi mas daño.

Redukshon di plèstik ta importante pa vários motibu:

  1. Redukshon di e kantidat di sushi:lèntfel na Laguntakasi yen i ta importante pues paredusí e kantidat di sushi.
  2. Lèkmentu di plèstik: ta dura hopi aña proméku sushi di plèstikdesintegrá.  Viaáwaseru i roi, mikroplèstiktabini den nos medio ambiente.
  3. Redukshon di sushi di kaya:hopibiahaplèstikdesechabeltabai den naturalesakomoku e material talihé i fasilmente por bula baikubientu. Pero spesialmentepasobrakonsumidónan no tabentanan sushi den baki di sushi.
  4. Ekonomiasirkulario: Resiklahe di sushi na Boneiru taofreséoportunidatnobo riba tereno di inovashon i empleo.

Redukshon di plèstik desechabel ta positivo pa Boneiru

Te ainda hopi plèstik desechabel ta resultá riba kaya, den mondi i den laman. Ku tempu e prohibishon ta kondusí na un Boneiru hopi mas limpi. Den e ilustrashon ta mira kon largu ta dura promé ku plèstik disparsé for di nos medio ambiente. Pa finalisá, e lei tokante plèstik desechabel ta positivo pa imágen di Boneiru komo destinashon duradero. E prohibishon ta fòrsa nos pa hasi eskoho duradero. Riba término korto esaki por kousa subida di gastu pa sierto produkto, manera kuminda pa bai kuné. Riba término largu sinembargo, e bentahanan ta pisa mas ku e desbentahanan.

Pa gran parti nos ekonomia ta dependé di nos naturalesa, tantu bou komo riba awa. Pa hopi di nos bishitantenan ku ta bini di Merka, Canada i Europa, un forma duradero di anda ku naturalesa ta algu normal pa nan. Pa hopi turista, mas i mas, sostenibilidat ta un tema importante ora nan ta skohe un destinashon di luho manera Boneiru. Na final di kuenta, turistanan solamente por gosa di nos naturalesa úniko si no tin plèstik den esaki. Bo ke sa mas di e prohibishon na kaminda pa plèstik desechabel? E ora ei djòin e rueda di prensa digital riba e kanal di YouTube di Entidat Públiko Boneiru ku ta tuma lugá 4 di desèmber pa 10 or di mainta

Share This
error: Content is protected !!