KRALENDIJK – Na hermana isla Kòrsou e kantidat di kaso di COVID-19 a subi di un forma drástiko. Esaki ta loke gezaghèber di Boneiru, Edison Rijna a bisa ayera durante enkuentro ku prensa. “Mi ta urgi tur hende aki na Boneiru pa sigui kumpli ku e reglanan básiko pa nos no pasa den mesun skual ku Kòrsou. Kòrsou a haña nan ta introdusí reglanan mas estrikto manera entre otro toke de keda i lei seku. En bista di e situashon ta deskonsehá tur hende pa biaha e momentunan akí pa Kòrsou. I si bo mester biaha tòg, mantené 1,5 meter di distansia ora bo ta aya i kumpli ku e reglanan ku tin.    

Tin hende na Boneiru ta teme ku pa motibu di e situashon na Kòrsou, nan no por pasa e dianan di fiesta ku nan famia na e isla ei. Nos mester tene kuenta ku e posibilidat akí. Meskos ku nos mester tene kuenta ku si nos haña vários kaso di COVID-19 na Boneiru, lo ta bai tin reglanan mas estrikto. Si kos yega asina leu, mi ta informá boso mesora,” gezaghèber Edison Rijna a bisa.

Share This
error: Content is protected !!