KRALENDIJK – Nos a drenta e luna di dòrna kas i prepará pa nos selebrá e dianan di fiesta ku famia i amistatnan. E aña akí nos selebrashon lo ta otro. Esaki ta loke gezaghèber di Boneiru, Edison Rijna a bisa ayera durante enkuentro ku prensa. “Por ehèmpel promé ku e pandemia di COVID-19 nos no tabatin misa di Pasku ku distansia sosial. Ni nos no mester a mantené distansia ora nos ta selebrá Pasku na kas ku nos famia i amistatnan. Pero COVID-19 a kambia esaki.  

Nos mester ta prepará ku situashon por bòltu kambia di un dia pa otro. Ta algu ku nos no ta deseá pero e por sosodé sí.  

Manera kos ta pinta lo por tira vürwèrk den seno privá pa kambio di aña. Pero tene kuenta ku esei tambe por kambia i mantené bo na e reglanan.  

Laga nos sigui kuida nos mes i kuida otro. Kome salú, move sufisiente i drumi sufisiente ora. Laga nos wak pa nos pasa nos dianan di fiesta na un forma trankil i responsabel, pa aña habri nos tur bon di salú na nos dushi Boneiru,” gezaghèber Edison Rijna a bisa. 

Share This
error: Content is protected !!